Krisetal og neglbiing

– Dette er nok meir dramatisk enn sjølv dei mest pessimistiske blant oss hadde frykta, seier Rygg.

Han trur det nå vil bli sjølvransaking internt.

– Ingen kan vere nøgd med å liggje rett over sperregrensa. Dette krev ein kritisk gjennomgang både av strategien og av tenkinga rundt regjeringsspørsmålet, seier Rygg.

– Kvifor blir KrF straffa så hardt?

– Eg trur mange har opplevd at KrF har vingla og vore usikre i regjeringsspørsmålet. Eg tippar at det vil vise seg at mange KrF-arar har stemt anten Ap eller H, fordi dei har vore opptatt av kven som skulle bli statsminister, seier Rygg.

– Korleis vil Knut Arild Hareides posisjon bli påverka?

– Han står framleis sterkt. Dei vala han har tatt, har også partiet tatt. Eg trur vi vil sjå stor samling rundt Knut Arild etter dette, seier Rygg.